ആകാശത്തിനു താഴെ
ഒരു കൊച്ചു തണല്‍.
താഴെ...
മറന്നുവെക്കാന്‍ വിധിക്കപ്പെട്ട വഴിക്കാഴ്ച്ചകളും,
വെയില്‍ കായുന്ന കുറേ ജന്‍മങ്ങളും.
പിഴക്കുന്ന കണക്കുകള്‍,
ശരിക്കായുള്ള തിരുത്തലുകള്‍.
മടിക്കുത്തഴിച്ചും, അഴിക്കപ്പെട്ടും തളര്‍ന്നവര്‍.
തിരകളില്ലാതീരത്ത്‌ തിരകളെണ്ണി ജീവിച്ചവര്‍.
മായ്ച്ചിട്ടും മായാത്ത രക്തപ്പൊട്ടുകള്‍ക്കു താഴെ
ചില്ലറകളാല്‍ കയ്യൊപ്പിട്ടവര്‍.
ഈറനണിയുന്ന ചുണ്ടുകളില്‍
കണിവെള്ളരി മുളപ്പിച്ചവര്‍.
ഇല്ലാത്ത തിരിച്ചു പോക്കിനായ്‌
ഒരിക്കലെങ്കിലും കൊതിച്ചവര്‍.
ആകാശത്തിനു താഴെ
ഒരു കൊച്ചു തണല്‍ക്കുട.
അവരുടെ... നിങ്ങളുടെ...
ഒരിക്കലെന്റേയും....
ഷഹീര്‍.കെ.കെ.യു.
2 comments:
മായ്ച്ചിട്ടും മായാത്ത രക്തപ്പൊട്ടുകള്‍ക്കു താഴെ
ചില്ലറകളാല്‍ കയ്യൊപ്പിട്ടവര്‍.
Beautiful Lines.........
Dear, blog vazhichu. nannaittundu.
Post a Comment